Ahmednagar: मनाला चटका लावणारी घटना; वाढदिवसाच्या फ्लेक्सने घेतला युवकाचा बळी

0
2
Ahmednagar: मनाला चटका लावणारी घटना; वाढदिवसाच्या फ्लेक्सने घेतला युवकाचा बळी

[ad_1]

अहमदनगर: वाढदिवसाचा फ्लेक्स बोर्ड लावत असताना एका युवकाला विजेचा धक्का बसला असून यात त्याचा मृत्यू झाला. सौरभ सुरेश चौरे (वय २२, रा. नालेगाव) असे मृत युवकाचे नाव आहे. सावेडी उपनगरातील प्रोफेसर काॅलनी चौकात आज पहाटे ही घटना घडली. दरम्यान शहरातील अनधिकृत फ्लेक्स बोर्डचा विषय या घटनेमुळे पुन्हा चर्चेत आला आहे. (Youth dies of electric shock in Ahmednagar)

महापालिका प्रशासनाला शहरातील अनधिकृत फ्लेक्स काढण्यासाठी लोकप्रतिनिधींनी वारंवार सूचना करतात. परंतु प्रशासन त्याकडे याकडे दुर्लक्ष करते. नगर शहरामध्ये मोठ्या प्रमाणात फ्लेक्स बोर्ड लावले जातात. यात ठाणे फ्लेक्स अनधिकृत आहेत. याकडे महापालिका प्रशासनाचे दुर्लक्ष होत आहे. फ्लेक्स बोर्ड लावताना विजेचा धक्का लागून, खाली पडून यापूर्वी काहीचे मृत्यू झाले आहेत. आज पहाटे सौरभ चौरे हा युवक प्रोफेसर कॉलनी चौकात वाढदिवसाचे फ्लेक्स लावत असताना त्याला विजेचा धक्का लागला. यामुळे तो जमिनीवर कोसळला. त्याच्या डोक्याला मार लागला होता. जखमी सौरभला उपचारासाठी तत्काळ जिल्हा रुग्णालयात दाखल करण्यात आले. परंतु उपचारापूर्वीच त्याला डॉक्टरांनी मृत घोषित केले. या प्रकरणी तोफखाना पोलिस ठाण्यात अकस्मात मृत्यूची नोंद करण्यात आली आहे.

[ad_2]

Source link

प्रतिक्रिया द्या

कृपया आपली टिप्पणी द्या!
कृपया येथे आपले नाव प्रविष्ट करा