जावयाला रुग्णालयात नेत असताना झाला भीषण अपघात; चालकासह महिला ठार

0
2
जावयाला रुग्णालयात नेत असताना झाला भीषण अपघात; चालकासह महिला ठार

[ad_1]

हायलाइट्स:

  • ट्रॅक्टरवर कार आदळून झालेल्या भीषण अपघातात महिलेसह चालक ठार.
  • जायवयाला रुग्णालयात नेत असताना झाला भीषण अपघात.
  • हा अपघात कानळदा रस्त्यावरील केसी पार्कजवळ झाला.

म. टा. प्रतिनिधी, जळगाव

जळगाव तालुक्यातील भादली येथून जावयाला रुग्णालयात नेण्यासाठी त्याच्या घरी भोकर येथे जाणाऱ्या दाम्पत्याची कार कानळदा रस्त्यावरील केसी पार्कजवळ शेतातून मुख्य रस्त्यावर येत असलेल्या ट्रॅक्टरवर आदळून भीषण अपघात झाला. या अपघातात कारमधील महिला व चालक जागीत ठार झाले. तर महिलेच्या पतीसह ट्रॅक्टरचालक गंभीर जखमी झाले आहेत. आज गुरूवारी सकाळी साडेसहा वाजता ही दुर्घटना घडली. लताबाई विजय उर्फ रामकृष्ण सपकाळे (वय ५०) व चालक संदीप अरुण सोनवणे (वय ३७, दोघे रा. भादली, ता. जळगाव) अशी मृतांची नवे आहेत. (car crash on tractor in jalgaon and a woman lost life with driver)

रामकृष्ण सदाशिव सपकाळे (वय ५७, रा. भादली, ता. जळगाव) व पत्नी लताबाई या दाम्पत्याच्या मुलीचे सासर तालुक्यातील भोकर हे आहे. जावयाची प्रकृती खराब असल्यामुळे सपकाळे दाम्पत्य त्यांना सेंधवा येथे उपचारासाठी घेऊन जाणार होते. त्यासाठी गुरुवारी सकाळी सपकाळे दाम्पत्याने पुतण्याची कार (एमएच १४ एफसी ४५५०) घेतली. कार चालवण्यासाठी गावातच राहणाऱ्या संदीप सोनवणेला सोबत घेतले. तीघे जण सुरूवातीला भोकर येथे जाणार होते. तेथुन जावयास घेऊन सेंधवा जाण्याचे त्यांचे नियोजन होते.

क्लिक करा आणि वाचा- ‘कितीही चौकशा लावा, आम्ही घाबरत नाही’; शरद पवार केंद्र सरकारवर गरजले

अशी घडली दुर्घटना

सकाळी ६.३० वाजता कानळदा रस्त्यावरील केसी पार्कजवळ शेतातून मुख्य रस्त्यावर येत असलेल्या ट्रॅक्टरवर कार धडकली. या भिषण अपघातात कार व ट्रॅक्टरचे धुड चक्काचुर झाले. कारचालक संदीप व मागे बसलेल्या लताबाई जागीच ठार झाल्या. त्यांचे पती रामकृष्ण व ट्रॅक्टरचालक बापु केशव सपकाळे (वय ४५, रा. कानळदा) दोघे गंभीर जखमी झाले. घटनास्थळी धाव घेत ग्रामस्थांनी मदतकार्य सुरू केले. पोलिस पथकाने घटनास्थळी जाऊन जखमींना शासकीय वैद्यकीय महाविद्यालय व रुग्णालयात हलवले.

क्लिक करा आणि वाचा- ममता बॅनर्जींंचा मुंबई दौरा; घेणार उद्धव ठाकरे, शरद पवार यांची भेट

कुटुंबीयांचा आक्रोश

अपघाताची माहिती मिळताच भादली गावातील ग्रामस्थांनी रुग्णालयात गर्दी केली. या प्रकरणी शहर पोलिस ठाण्यात नोंद करण्यात आली आहे. मृत लताबाई यांच्या पश्चात पती, एक मुलगा, सुन, दोन नाती, मुलगी व जावई असा परिवार आहे. तर मृत संदीप याच्या पश्चात पत्नी, एक मुलगा व एक मुलगी असा परिवार आहे. या घटनेनंतर सोनवणे व सपकाळे कुटंुबीयांनी आक्रोश केला.

क्लिक करा आणि वाचा- ‘कामावर रुजू व्हा, अन्यथा…’; परिवहन मंत्री परब यांचा एसटी कर्मचाऱ्यांना ‘हा’ इशारा

[ad_2]

Source link

प्रतिक्रिया द्या

कृपया आपली टिप्पणी द्या!
कृपया येथे आपले नाव प्रविष्ट करा